24 ліпеня 2021 г. — 90 гадоў з дня нараджэння Нікадзіма Мікалаевіча Вашчука (1931–1993), мастака
Нікадзім Мікалаевіч Вашчук нарадзіўся 24 ліпеня 1931 г. у Кобрынскім раёне Брэсцкай вобласці. Скончыў Мінскае мастацкае вучылішча (1953). З 1958 г. пачаў удзельнічаць у абласных і рэспубліканскіх мастацкіх выставах.
31 кастрычніка 2021 г. — 85 гадоў з дня нараджэння Івана Васільевіча Хоміча (1936–1992), скульптара
Іван Васільевіч Хоміч нарадзіўся 31 кастрычніка 1936 г. у вёсцы Брады Пружанскага павета Палескага ваяводства (цяпер Пружанскага раёна Брэсцкай вобласці). Брады раскінуліся ў маляўнічым кутку — паблізу Шарашоўскай пушчы. Скончыў Мінскае мастацкае вучылішча (1966). Вучыўся ў скульптара Ганны Трафімаўны Злотнік.
19 жніўня 2021 г. — 60 гадоў з дня нараджэння Аляксандра Канстанцінавіча Харашуна (1961), мастака
Аляксандр Канстанцінавіч Харашун нарадзіўся 19 жніўня 1961 г. у г. Давыд-Гарадку Столінскага раёна Брэсцкай вобласці ў рабочай сям’і. З дзяцінства захапляўся маляваннем. Скончыў СШ № 2 г. Давыд-Гарадка (1978). Служыў у Савецкай арміі (у Чэхаславакіі пад Прагай).
21 сакавіка 2021 г. — 100 гадоў з дня нараджэння Аляксея Сцяпанавіча Папова (1921–1974), мастака дэкаратыўна-прыкладнога мастацтва
Аляксей Сцяпанавіч Папоў нарадзіўся 21 сакавіка 1921 г. у вёсцы Пашкава Акцябрскага раёна Кастрамской вобласці. Вучыўся ў Іванаўскім мастацкім вучылішчы (1936–1940) у Генадзя Шчапава, А. Кузняцова, Міхаіла Троіцкага, Серафіма Троіцкага. Іванава — тэкстыльны цэнтр, вядомы моцнымі мастацкімі традыцыямі.
9 красавіка 2020 г. — 65 гадоў з дня нараджэння Івана Міхайлавіча Чарнякевіча (1955), мастака, сябра Саюза мастакоў Расіі
Іван Міхайлавіч Чарнякевіч нарадзіўся 9 красавіка 1955 г. у вёсцы Плябанцы Пружанскага раёна Брэсцкай вобласці. Бацька, удзельнік Вялікай Айчыннай вайны, працаваў сталяром. Дзіцячыя гады Іван правёў у Пружанах, марыў стаць мастаком. Пасля чацвёртага класа паступіў у Рэспубліканскую школу-інтэрнат па музыцы і выяўленчым мастацтве ў Мінску, якую скончыў у 1973 г. Пад час вучобы сябраваў з Аляксандрам Ісачовым. У 1981 г. скончыў Ленінградскае вышэйшае мастацка-прамысловае вучылішча імя В. І. Мухінай па аддзяленні тэкстылю.
6 лютага 2020 г. — 70 гадоў з дня нараджэння Мікалая Ігнатавіча Гуршчанкова (1950), мастака
Мікалай Ігнатавіч Гуршчанкоў нарадзіўся 6 лютага 1950 г. у вёсцы Гаўлі Буда-Кашалёўскага раёна Гомельскай вобласці. Маляваць любіў з дзяцінства. Скончыў Патапаўскую сярэднюю школу. Працаваў на заводзе «Гомсельмаш» і адначасова займаўся ў студыях выяўленчага мастацтва ў педагогаў Віктара Казачэнкі і Валянціны Пакацішынай.
19 красавіка 2020 г. — 120 гадоў з дня нараджэння Алены Аляксандраўны Афанасьевай (1900–1998), мастака, кніжнага ілюстратара
Алена Аляксандраўна Афанасьева нарадзілася 19 красавіка 1900 г. у г. Брэст-Літоўску Гродзенскай губерні (цяпер Брэст) у сям’і рускага афіцэра. Вялікая сям’я штабс-капітана Аляксандра Сямёнавіча часта пераязджала. З Брэста яго перавялі на Далёкі Усход, потым ён прымаў удзел у Першай сусветнай вайне. Алена пайшла ў гімназію ў Чыце, а закончыла ў Харбіне. Малявала з ранняга дзяцінства, шмат капіравала з рэпрадукцый Левітана, Макоўскага, Клейна і інш.
21 кастрычніка 2020 г. — 100 гадоў з дня нараджэння Івана Якаўлевіча Фяцісава (1920–1994), мастака, заслужанага работніка культуры БССР (1989)
Іван Якаўлевіч Фяцісаў нарадзіўся 21 кастрычніка 1920 г. у пасёлку Тума Разанскай вобласці (Расія). Дастатак у доме быў невялікі, але на дзяцей дабратворна ўплывала атмасфера сямейнага свету, працавітасці, парадку, дружбы і ўзаемнай любові. У доме любілі кнігі, пастаянна чыталі ўслых дзецям. Дзеці былі зусім малымі, калі Стэфаніда Іванаўна страціла мужа, не стала прытулку і сродкаў да існавання, сям’я блукала па чужых кутах.
28 лістапада 2020 г. — 70 гадоў з дня нараджэння Мікалая Пятровіча Кузьміча (1950), мастака-ювеліра, заслужанага дзеяча мастацтваў Беларусі, ганаровага грамадзяніна г. Брэста
Мікалай Пятровіч Кузьміч нарадзіўся 28 лістапада 1950 г. у вёсцы Патрыкі Кобрынскага раёна Брэсцкай вобласці. Калі Мікалаю споўнілася 11 гадоў, бацька вырашыў перавезці сям’ю ў Расію.Наступныя 10 гадоў прайшлі ў данской станіцы. Маці даіла кароў, бацька даглядаў за жывёламі. Мікалай, закончыўшы прафтэхвучылішча па спецыяльнасці «Трактарыст-машыніст», паспеў паспрабаваць сябе ў якасці калгаснага механізатара. Сюды ж вярнуўся пасля службы на Паўночным флоце. Пасля смерці бацькі ўсёй сям’ёй, з маці і сёстрамі, вярнуўся на радзіму,у Беларусь.
8 лістапада 2020 г. — 65 гадоў з дня нараджэння Уладзіслава Эдуардавіча Куфко (1955), мастака станковага жывапісу і станковай графікі
Уладзіслаў Эдуардавіч Куфко нарадзіўся 8 лістапада 1955 г. у г. Брэсце ў сям’і мастака. Бацька, Эдуард Станіслававіч Куфко, быў асобай, вядомай не толькі ў Брэсце, але, і ва ўсёй Беларусі, не толькі сваёй творчасцю, але і складаным лёсам. Удзельнік Вялікай Айчыннай вайны, трапіў у нямецкі палон, зведаў жахі нацысцкага лагера смерці, быў вызвалены Савецкай арміяй, але стаў вязнем ГУЛАГа. У 1953 г. быў вызвалены, у 1956 г. — рэабілітаваны. Перажытае Эдуард Станіслававіч адлюстроўваў у сваіх творах, у канкрэтных і сімвалічных вобразах.